Germaniya sudi Usmonovning da'vosini bloklashni noqonuniy deb topdi
Germaniya Oliy sudi rossiyalik tadbirkor Alisher Usmonovning Yevropa Ittifoqi Kengashiga qarshi da'vosi bloklanishini noqonuniy deb topdi. Qaror Due Welt nashri xabariga ko'ra e'lon qilindi.
Oliy sud Gamburg er sudi raisining hujjatlarni Belgiyadagi Yevropa Ittifoqi Kengashiga jo'natishni rad etgan javobini bekor qildi. Rad etish Tashqi ishlar vazirligi e'tirozlariga asoslangan edi. Sud bu rad etish qonunga zid va da'vogarning huquqlarini buzgan deb hisobladi.
Usmonov da'vo arizasini 2023 yil dekabrida bergan edi. Ishni ko'rayotgan sudya hujjatlarni Yevropa Ittifoqi Kengashiga yuborishni buyurgan, ammo er sudi raisi buni amalga oshirmagan. Oliy sud raisning bunday rad etish vakolatiga ega emasligini ta'kidladi.
Nizo Yevropa Ittifoqining Usmonovga nisbatan sanktsiyalarni asoslashda ishlatgan rasmiy hujjatlari atrofida. Ulardan biri Forbes jurnalida chop etilgan maqolaga tayangan bo'lib, unda miliarderning Vladimir Putin bilan aloqasi haqida yozilgan. 2024 yil yanvarida Gamburg er sudi jurnalga bu ma'lumotlarni tarqatishni taqiqlagan.
Kengash sanktsiyalar asosidan Usmonov Putin manfaatlari yo'lida ish yuritgani haqidagi da'voni olib tashlamagan, lekin uning ifodalanishini o'zgartirgan. Usmonov bundan keyin ham huquqlari buzilayotganini ko'rsatib, Yevropa Ittifoqi Kengashiga qarshi sudga da'vo qilgan.
Manba: Daryo
