Vinni Pux 100 yoshda: oddiy o‘yinchoqdan jahon qahramoniga
1926-yilda Britaniyada chiqqan “Vinni Pux” kitobi bir yuz yil davomida dunyo bolalari va kattalarining sevimli hikoyasiga aylandi. Uning qahramoni ham bolalar xonasidagi yumshoq ayiqchadan boshlangan.
Kitobni yozuvchi Alan Aleksandr Miln o‘g‘li Kristofer Robin uchun o‘ylab topgan edi, suratlarni esa Ernest Shepard chizgan. Hozir hikoya o‘nlab tillarga tarjima qilingan.
Asosiy qahramon Kristofer Robinning birinchi yoshida sotib olingan yumshoq ayiqchasi edi. Uning “Vinni” nomi 1914-yilda kanadalik veterinar Garri Kolburn sotib olgan qora ayiqcha nomidan olingan, “Pux” laqabi esa oqqushga tegishli bo‘lgan. Kitobdagi Yuz akrlik o‘rmon ham haqiqiy bo‘lib, Sharqiy Sassekс grafligidagi Eshdaun o‘rmonidir.
1961-yilda Disney studiyasi qahramonlarga bo‘lgan huquqlarni sotib oldi va 1966-yilda birinchi qisqa metrajli film chiqdi. Shepard chizmalari o‘rnini yorqin Disney uslubi egalladi. 1968-yilda Yo‘lbarsvoy ham ekranda birinchi marta paydo bo‘ldi.
Rossiyada Pux, avvalo, Boris Zaxoderning 1960-yilda nashr etilgan qayta hikoyasi orqali tanilgan. 1969–1972-yillarda Fyodor Xitruk mультfilmlarida Yevgeniy Leonov Puxga ovoz bergan. Kristofer Robin esa shuhrat og‘irligini his qilsa-da, o‘yinchoqlarini umrining oxirigacha asrab, 1987-yilda Nyu-York ommaviy kutubxonasiga topshirgan.
Manba: Daryo
