Dam olish kunlari O‘zbekistonda havo +30 darajagacha isiydi
6–8 noyabrda O‘zbekistonning katta qismida quruq va iliq ob-havo saqlanadi. Kunduzi havo +25…+27 darajagacha, janubda esa +30 gacha isiydi.
Juma kuni havo asosan yog‘insiz bo‘ladi. Shimoliy hududlarda va kunning ikkinchi yarmida Toshkent, Samarqand, Jizzax, Sirdaryo, Qashqadaryo va Surxondaryo viloyatlarining ayrim joylarida yomg‘ir yog‘ishi mumkin.
Kechasi havo harorati +14…+17 daraja atrofida bo‘ladi. Yomg‘ir faqat Qoraqalpog‘iston Respublikasi va Xorazm viloyatining ayrim joylarida kutilmoqda. Shamol sharqdan 7–12 m/s tezlikda esadi, ayrim kunlari kuchayib, chang-to‘zon bilan kuzatilishi mumkin.
Tog‘oldi va tog‘li hududlarda ba’zi joylarda yomg‘ir yog‘adi, 6-noyabrda esa ayrim joylarda yomg‘ir kuchli bo‘lishi kutilmoqda. Baland tog‘larda yomg‘ir qorga aylanishi mumkin.
Toshkentda 6-noyabr kechqurun yomg‘ir yog‘ishi mumkin, 7–8-noyabrda esa yog‘ingarchilik kutilmaydi. Kechasi havo +13…+15, kunduzi +24…+27 daraja atrofida bo‘ladi.
Manba: Gazeta.uz
