Dam olish kunlari havo iliq bo‘ladi, janubda +30 gacha isiydi
Dam olish kunlari O‘zbekistonning katta qismida quruq va iliq ob-havo saqlanadi, kunduzi havo +25…+27 darajagacha isiydi. Yog‘ingarchilik faqat Qoraqalpog‘iston Respublikasi va Xorazm viloyatining ayrim joylarida kutilmoqda.
Juma kuni havo asosan yog‘ingarchiliksiz bo‘ladi. Kunning ikkinchi yarmida shimoliy hududlarda hamda Toshkent, Samarqand, Jizzax, Sirdaryo, Qashqadaryo va Surxondaryo viloyatlarining ayrim joylarida yomg‘ir yog‘ishi mumkin.
6–8-noyabr kunlari havo harorati asosan +14…+17 darajada bo‘ladi, kunduzi +25…+27 darajagacha, janubiy hududlarda esa +30 darajagacha isiydi. Shamol asosan sharqdan 7–12 m/s tezlikda esadi, 6 va 8-noyabrda ba’zi joylarda kuchayib, chang-to‘zon kuzatilishi mumkin.
Tog‘li hududlarda 6-noyabrda ayrim joylarda yomg‘ir yog‘adi, baland tog‘larda esa qorga aylanishi mumkin. Toshkentda 6-noyabr kechqurun yomg‘ir ehtimoli bor, 7–8-noyabrda yog‘ingarchilik kutilmaydi.
Manba: Kun.uz
