Curiosity marsoxodi Marsda 5000 sutkani ortda qoldirdi
NASAning Curiosity marsoxodi Marsdagi faoliyati davomida 5000-marsian sutkasiga yetdi va qoʻngan nuqtasiga nisbatan 1 kilometr balandlikka koʻtarildi. Yangi suratlarda apparatning Sharp togʻi boʻylab bosib oʻtgan yoʻli aks etgan.
Apparat 2012-yil 6-avgustda Marsga qoʻngan. 2026-yil yozida uning sayyoradagi faoliyati 14 yilni tashkil etdi. Shu davrda marsoxod sayyoraning qadimgi tabiiy sharoitlarini oʻrganish uchun togʻ jinslarini tekshirmoqda va qatlamlarni suratga olmoqda.
Kuzda NASA marsoxod yoʻnalishining navbatdagi qismi tasvirlarini hamda Basque Lakes nomli burgʻilash teshigidan olingan namuna boʻyicha hisobotni taqdim etdi. Namuna bort laboratoriyalarida tahlil qilinmoqda.
Burgʻilash va laboratoriya ishlari marsoxodning bir sutkalik energiya zaxirasidan katta quvvat talab qilgani sababli boshqa asboblardan foydalanish imkoniyati cheklanadi. Shunga qaramay, jamoa atrofdagi geologik muhitni oʻrganish uchun Mastcam kameralari yordamida mozaika olishni rejalashtirgan.
26-avgustda eʼlon qilingan yozgi panorama 1–2-avgust kunlari olingan 323 ta kadrdan yigʻilgan. Unda Valle Grande vodiysi, Sharp togʻining pastki yonbagʻirlari va Geyl krateri tubi koʻrinadi.
Manba: Kun.uz
