Ispaniya futbolchilari bu hafta o‘yinlardan bosh tortdi
Ispaniyada futbolchilar 30 yoshli futbolchi Xesus de Migel vafotidan so‘ng bu hafta rejalashtirilgan o‘yinlarni o‘tkazishdan bosh tortmoqda.
Ispaniya futbolchilar assotsiatsiyasi (AFE) barcha darajadagi futbolchilar bilan bog‘lanib, ularning fikrini so‘raganda, bu hafta o‘yinlar o‘tkazilmasligi kerakligi yuzasidan yagona fikr bildirilgan. Futbolchilar Xesus de Migelning o‘limidan chuqur qayg‘uda ekanliklarini va hissiy holat ularning odatdagidek musobaqada ishtirok etishiga to‘sqinlik qilayotganini aytishgan.
Hodisa Segunda divizionining 12-turidagi o‘yin paytida yuz bergan. «Tenerife» hujumchisi «Andorra» darvozaboni Xesus Ovono bilan to‘qnashib, jiddiy jarohat olgan, shundan so‘ng yurak xurujiga uchragan. Tibbiy yordamga qaramay, futbolchi kasalxonada vafot etgan.
AFE ma’lumotiga ko‘ra, bu hafta o‘yinlarni to‘xtatish eng to‘g‘ri yechim hisoblanadi. Assotsiatsiya ijtimoiy tarmoqdagi bayonotida insoniylik va birdamlik ba’zan har qanday musobaqadan ustun turishi kerakligini ta’kidlagan.
Manba: Daryo
