Soliq qoʻmitasi raisi nomidan soxta xabarlar tarqatilmoqda
Ijtimoiy tarmoqlarda Soliq qoʻmitasi raisi nomidan soxta akkaunt ochilib, xodimlardan shaxsiy tavsifnoma soʻralmoqda. Qoʻmita bu xabarlarni haqiqatga toʻgʻri kelmaydigan deb topdi.
Soxta akkaunt orqali xodimlar faoliyati yuzasidan tekshiruv oʻtkazilayotgani va ularning shaxsiy tavsifnoma taqdim etishi zarurligi haqida xabarlar tarqatilmoqda. Xabarlarda yaqin orada Bosh prokuratura xodimi bilan aloqaga chiqilishi ham aytilgan.
Qoʻmita matbuot xizmati bu xabarlar haqiqatga mos emasligini maʼlum qildi. Fuqarolarga ishonchli maʼlumotni faqat rasmiy manbalardan olish va firibgarlarga aldanmaslik uchun ehtiyot boʻlish tavsiya etildi.
Ilgari Telegram orqali sobiq oliy taʼlim, fan va innovatsiyalar vaziri hamda taʼlim va ilm-fan vazirining oʻrinbosari nomidan ham turli shaxslarga soxta xabarlar yuborilgani qayd etilgan.
Manba: Daryo
