Ispaniya transport vaziri poyezd falokatidan soʻng istefoga chiqdi
Ispaniya transport vaziri Oskar Puente 69 kishi halok boʻlgan poyezd falokatidan olti kun oʻtib istefoga chiqdi. U shuningdek, yaqinlashayotgan parlament saylovlaridagi nomzodini ham qaytarib oldi.
Toʻqnashuv Madriddan janubda, Urda shahri yaqinida sodir boʻlgan. Hodisa oqibatida kamida 69 kishi halok boʻlgan, oʻnlab odamlar jarohatlangan.
Vazir parlamentdagi chiqishida bir yildan kamroq vaqt ichida ikkita yirik halokat yuz berganini eslatib, bunday sharoitda lavozimida qolishi mumkin emasligini bildirdi. U 2026-yil yanvarida shu temir yoʻl liniyasida sodir boʻlgan, 46 kishining hayotiga zomin boʻlgan avvalgi falokatni ham tilga oldi.
Puente vazirlik lavozimini tark etish bilan birga, 29-noyabrga belgilangan parlament saylovlari roʻyxatidan ham nomzodini qaytarib olishini maʼlum qildi. Bosh vazir Pedro Sanches uning qarorini qurbonlarga hurmat va masʼuliyat yuzasidan qabul qilingan mardona qaror deb baholadi.
Manba: Gazeta.uz
