Namanganda mashina tirkamasidan 301 mingdan ortiq pirotexnika topildi
Божхона қўмитаси маълумотига кўра, Наманган вилоятида қўшни давлатдан кирган юк автомобили тиркамаси орқали 301 462 дона пиротехника буюмини ноқонуний олиб киришга уриниш фош этилган.
Ҳолат вилоят божхона бошқармасининг “Учқўrg‘on” чегара божхона постида аниқланган. Юк автомобили инспексион кўрик мажмуаси орқали божхона кўригидан ўтказилган.
Текширувда тиркаманинг пол қисми остида яшириб олиб келинаётган, хорижда ишлаб чиқарилган ва тегишли ҳужжатларга эга бўлмаган 10 турдаги пиротехника буюмлари топилган. Шу яширин жойдан, шунингдек, 140 та кассетадаги 700 дона “Стекловидное тело” номли дори воситаси ҳам аниқланган.
Ҳозирда ҳолат юзасидан терговга қадар текширув ҳаракатлари олиб борилмоқда.
Manba: Daryo
