Yildan ham qisqa yil: Yerga oʻxshash 6 ta ekzosayyora
Astronomlar Quyosh tizimidan tashqarida 6000 dan ortiq ekzosayyorani topgan. Ulardan oltitasi Yerga ayrim jihatlari bilan oʻxshashligi bois alohida eslatib oʻtilmoqda.
Ekzosayyoralar orasida gaz gigantlari, yulduziga juda yaqin qaynoq sayyoralar va Yerga yaqin jismlar bor. Eng katta qiziqish yulduzining yashashga yaroqli zonasida joylashgan sayyoralarga qaratilmoqda. Ammo bunday joylashuv sayyorada okean yoki hayot borligini bildirmaydi.
TRAPPIST-1e yulduz atrofini atigi 6,1 Yer kunida aylanib chiqadi, diametri esa Yernikining taxminan 92 foizini tashkil etadi. TOI-700 d ning yili 37,4 Yer kuniga teng, u Yerdan 100 yorugʻlik yili uzoqlikda joylashgan.
Kepler-452b ning yili 384,8 kun davom etadi, diametri Yernikidan taxminan 60 foiz katta. Kepler-186f esa 129,9 kunda yulduzi atrofini aylanadi va Yerdan 580 yorugʻlik yili uzoqda. Proxima b 11,2 kunlik yil bilan Quyosh tizimiga eng yaqin yulduz atrofida aylanadi.
Shunga qaramay, bu sayyoralarning birortasida hayot mavjudligi hozircha tasdiqlanmagan. Koʻplab raqamlar hisobiy baholarga asoslangan, shu sababli haqiqiy sharoitlar hali aniq emas.
Manba: Kun.uz
