Oktabrda yillik inflyatsiya 6,5 foizgacha tezlashdi
Oʻzbekistonda oktabr oyida yillik inflyatsiya sentabrdagi 6,4 foizdan 6,5 foizgacha oshdi. Oy davomida narxlar 0,6 foizga koʻtarildi, deb xabar bermoqda Milliy statistika qoʻmitasi.
Oziq-ovqat mahsulotlari oy davomida oʻrtacha 1 foizga qimmatlashdi. Eng sezilarli oʻsish tuxumda kuzatildi: oy davomida 5,2 foiz, bir yilda esa 12,7 foiz. Sut va non narxi ham oshdi.
Benzin bir oyda 1 foizga, yil davomida 19,5 foizga qimmatladi. Propan narxi bir yilda 44,7 foizga oshdi. Toshkentda metro va shahar avtobuslarida yoʻl haqi 26,1 foizga oshgani poytaxtda oylik inflyatsiyani eng yuqori — 0,9 foizga yetkazdi.
Shunga qaramay, yillik inflyatsiya oʻtgan yil oktabridagi 7,8 foiz darajasidan past boʻlib qoldi. Yil boshidan buyon istemol narxlari umumiy hisobda 4,8 foizga oshgan.
Manba: Gazeta.uz
