«Manchester Yunayted»da inqiroz: klub oldidagi asosiy muammolar
Oxirgi haftada «Manchester Yunayted» uy maydonida «Bornmut»dan, mehmonda esa «Chelsi»dan mag‘lub bo‘lib, yana og‘ir ahvolga tushdi. Materialda klub oldida turgan beshta asosiy muammo ko‘rib chiqilgan.
Odatda muxlislar bosh murabbiy va futbolchilarga keskin munosabat bildirmaydi, ammo so‘nggi mag‘lubiyatlardan keyin vaziyat o‘zgardi. Maydonni tark etayotgan futbolchilar hushtak ostida kutib olindi, Maykl Kerrikni esa olqishlar bilan kuzatishdi. Norozilik klubning barcha bo‘g‘inlariga, jumladan, futbolchilarni jamoaga jalb etgan mas’ul shaxslarga qaratilgan.
Klub 2022 yil noyabrda Kristiano Ronaldu ketganidan buyon muntazam gol uradigan barqaror hujumchi topa olmayapti. 2025 yil yozida katta mablag‘ evaziga olingan Benjamin Sheshko salohiyatini ko‘rsatgan bo‘lsa-da, jarohatlar sabab doimiy natija bera olmadi. Bruno Fernandesh esa «soxta to‘qqizlik» vazifasiga jalb etildi, bu esa uning asosiy kuchi – shериklariga gol imkoniyatlari yaratishini cheklab qo‘ydi.
Glazerlar oilasi 2005 yildan klub egasi bo‘lib kelmoqda, so‘nggi 13 yilda esa 75 nafar futbolchi transfer qilingan, ularning ko‘pchiligi muvaffaqiyatsiz chiqqan. Ser Jim Retklifф guruhi (INEOS) ikki yil avval sarmoya kiritgan bo‘lsa-da, natija kam bo‘ldi. Bosh ijrochi direktor Umar Berada va texnik direktor Jeyson Uilkoks ham tanqid ostida; Lisandro Martines transfer davrida jamoani kuchaytirish uchun yetarli mablag‘ sarflanmaganini tanqid qildi.
Eng kuchli zidiyat bosh murabbiy Kerrik va yulduz futbolchi Fernandesh o‘rtasida. Fernandesh Kerrikni ochiqchasiga tanqid qilgach, uning klubdagi kelajagi haqida savollar tug‘ildi. Mavsum oxirigacha va undan keyin klubni kim boshqarishidan qat’i nazar, bu masala hal etilishi kerak bo‘lgan muhim savol bo‘lib qolmoqda.
Manba: Daryo
