Qirol Charlz qul savdosini tarixning sharmandali sahifasi deb atadi
Qirol Charlz III Hamdoʻstlik sammitidagi nutqida Britaniyaning transatlantik qul savdosidagi ishtiroki uchun rasmiy uzr soʻramadi, ammo bu davrni tarixning sharmandali sahifasi deb atadi. Bayonot qirollik juftligining Karib dengizi boʻylab safari oldidan yangradi.
Qirol nutqida qul savdosi qurbonlarining taqdiri uni qanchalik chuqur qaygʻuga solishini taʼkidladi. Uning soʻzlariga koʻra, bu tarix hamon Hamdoʻstlik aʼzolari ustiga soya solib turibdi.
Sammitdan oldin Britaniyada bir qator ovozlar qirolni rasmiy uzr soʻrashga chaqirgan edi, biroq Bukingem saroyi bunday uzr berilmasligini oldindan bildirgan edi. Britaniya Bosh vaziri rasmiy uzr ehtimolini istisno qilmagan, ammo tovon toʻlash talablarini asosli deb hisoblamagan.
Qirollik juftligi Karib dengizi mamlakatlari boʻylab safarda boʻlib, Bahama orollarida qullarning azob-uqubatlari haqida gapirdi, Gayanada esa qullar isyonining bostirilishi qurbonlari xotirasiga bagʻishlangan yodgorlikni ziyorat qildi. Hamdoʻstlikka 56 ta mustaqil davlat kiradi, ularning koʻpchiligi bir paytlar Britaniya mustamlakasi boʻlgan. Britaniya monarxi Hamdoʻstlikning 14 ta mamlakatida hamon davlat rahbari hisoblanadi.
Manba: Kun.uz
