Ronaldu Xesus de Migel oilasiga hamdardlik bildirdi
Krishtianu Ronaldu “Tenerife” futbolchisi Xesus de Migel vafoti munosabati bilan uning yaqinlariga hamdardlik bildirdi. 30 yoshli futbolchi 2-noyabrdagi o‘yinda og‘ir jarohat olgan edi.
Ronaldu xabarida bu fojia ekanini yozib, marhumning oilasiga sabr tiladi. “Bu fojia. So‘z topishga qiynalyapman”, deb yozdi u.
Xesus de Migel 2-noyabr kuni Ispaniya ikkinchi divizioni doirasidagi “Tenerife” — “Andorra” uchrashuvida jarohat olgan. O‘yinning so‘nggi daqiqalarida “Andorra” darvozabони Xesus Ovono darvozani tark etib, yakkama-yakka vaziyatga chiqayotgan de Migel bilan to‘qnashib ketgan.
Kuchli zarbadan so‘ng futbolchi maydonda hushini yo‘qotgan va shifokorlar uni zudlik bilan shifoxonaga yetkazgan. Shifoxonada yurak va nafas olish faoliyati to‘xtagani qayd etilgan, ammo ko‘rsatilgan tibbiy yordamga qaramay, de Migel 3-noyabrda 30 yoshida vafot etgan.
Manba: Daryo
