Elit OCHL: “Neftchi” “Traktor”ga qarshi 2:2 hisobida duranglashdi
Osiyo chempionlar ligasi Elit bosqichining 4-turida Fargʻonaning “Neftchi” jamoasi Eronning “Traktor” klubi bilan 2:2 hisobida durang qildi. Uchrashuv Maskatda boʻlib oʻtdi.
Birinchi boʻlim golsiz tugadi. 55-daqiqada zaxiradan tushgan Stipe Perica Abrorbek Ismoilovning uzatmasidan soʻng “Neftchi”ni oldinga chiqardi. 62-daqiqada “Traktor” himoyachisi Farshad Faraji qoʻpollik uchun toʻgʻridan-toʻgʻri qizil kartochka oldi va maydondan chetlatildi.
Son jihatidan ustunlikka ega boʻlgan fargʻonaliklar 82-daqiqada qarshi hujumdan soʻng Tomislav Shtrkal golida durangni tikladi. Qoʻshimcha vaqtning 4-daqiqasida Vladimir Yovovich “Neftchi”ni yana oldinga chiqardi, biroq 90+9-daqiqada Masʼud Zaerkazemayn hisobni 2:2 qildi.
Natijadan soʻng “Neftchi” 4 ochko bilan turnir jadvalida 10-oʻrinni egalladi. “Traktor” 2 ochko bilan 13-oʻrinda. Jadvalda 9 ochkodan toʻplagan “Al-Ayn” va “Shabab Al-Ahli” yetakchilik qilmoqda.
Manba: Daryo
