Tramp: AQŞ Isroilga yordamni 2026-yil oxirida toʻxtatadi
AQŞ prezidenti Donald Tramp Fox News telekanaliga bergan intervyusida Isroilga moliyaviy yordamni 2026-yil oxirigacha toʻxtatish niyatini bildirdi. Uning aytishicha, Isroilga Amerika yordami endi kerak emas.
Trampning soʻzlariga koʻra, Isroil qurol-yaroqni mustaqil ravishda sotib olishi mumkin. Tramp bu masalani bir necha yil davomida Binyamin Netanyahu bilan muhokama qilganini ham ta'kidladi.
Amaldagi kelishuv 2028-yilgacha Isroilga har yili taxminan 3,8 milliard dollar ajratishni nazarda tutadi. May oyida Netanyahu bu yordamdan bosqichma-bosqich voz kechish tarafdori ekanini bildirgan edi.
Costs of War loyihasi tadqiqotiga koʻra, 2025-yil oktabr holatiga AQŞ ikki yil ichida Isroilga harbiy yordam uchun 21,7 milliard dollar sarflagan.
Manba: Kun.uz
